كتب ياسر نجم عبر الفيسبوك:
التدمير الساحق الماحق للإقتصاد..
انت عارف يعني ايه يا محترم تدهور العجز في الميزانية بمقدار 73 مليار جنيه (أكتر من كل الفلوس اللي لموها لفنكوش قناة السويس بفوايدهم) ؟؟!!
خللى بالك..ده مش العجز كله…ده التدهور بس عن السنة اللى فاتت..
العجز كله أكتر من 200 مليار…
خللي بالك…ده مش عجز السنة كلها..دول أول 9 شهور في السنة بس..
خللي بالك…دى مش مقارنة بدول ناجحة متقدمة..ولا حتى بدول زينا..
دى مقارنة بينا احنا نفسنا..السنة اللى فاتت…
أيام…”المافييييييييييييش”….أيام “ماعنديش”…أيام “مش قادر أديك”…
خللي بالك…ده بعد كل الرز بتاع الخليج والمؤتمر الإقتصادي..والصناديق والشهادات والتبرعات ولم الفلوس من كل خرابه…وشغل الأراجوزات اللي عملوه في الموازنة…لقطع الفلوس عن الخدمات الأساسية فى البلد..