عبر صفحته بـ فيسبوك كتب الفنان الساخر عبد الله الشريف:
مجلس الأمن
عبارة عن خمس دول دائمين “أمريكا روسيا بريطانيا فرنسا الصين”
هما اللي أنشأوا المجلس بعد الحرب العالمية التانية “منتصرين بقى وكدهون”
وحطوا معاهم ست دول تانيين كديكور سموهم أعضاء غير دائمين ، طب ليه !
لأن شكلهم كان مستفز وهما بياخدوا قرارات العالم لوحدهم فحبوا يخلوا طبق السلطة
شكله أشيك شوية واهو الدولة اللي يتغير رئيسها وييجي واحد مش على هواهم
يشيلوها ويحطوا دولة تانية مهاودة حبتين ولما لقوا الموضوع حلو خلوهم عشر دول
حتى العشر دول لو اخدوا قرار في مجلس الامن وواحد من الخمسة الكبار رفض “فيتو”
يبقى بلح ويبلوا القرار في ترعة السيسي ويشربوا “الووتر” بتاعته
مصر بقى انهاردة كسبت العضوية الغير دائمة دي “يعني بالعربي السيسي مهاود حبتين
واللي هيقولك كرهك للسيسي مخليك مش منصف ودي حاجة اي دولة تتمناها
اسأله ليه السعودية رفضت العضوية دي سنة 2013 ؟
صباح الفل
